A ausencia de Iago Aspas, Fran Beltrán e Joseph Aidoo foi a principal novidade no retorno aos adestramentos do Celta na cidade deportiva Afouteza, onde o equipo dirixido por Carlos Carvalhal comezou a preparar o último partido de Liga contra o FC Barcelona.
Baixo o atento ollo do asesor deportivo Luis Campos, quen estivo reunido cos xogadores no vestiario antes de que saltasen ao céspede, a plantilla celeste exercitouse ós ordes do técnico portugués, nunha sesión na que Aspas, Aidoo e Beltrán realizaron traballo individual.
O máximo goleador do Celta segue sen recuperarse da lesión que sofre na súa espalda e esta mañá traballou cos fisioterapeutas para tratar de acelerar a súa recuperación.
Aidoo, que se lesionou nos isquiotibiais no último partido contra o Cádiz, ten moi difícil poder chegar ó decisivo encontro contra o campión de Liga, mentres que Fran Beltrán xa empezou a realizar traballo de campo tras mellorar da rotura fibrilar de grao I sufrida no bíceps femoral dereito.
