O Celta continúa a súa caída libre cara ao descenso, e hoxe perdeu novamente no campo dun rival directo, dando unha imaxe lamentable, dun equipo roto e morto, que está a expensas do que fagan os rivais para evitar pasar o centenario na Segunda División.
Carlos Carvalhal optou por repetir o once que realizou unha exhibición no pasado martes ante o Girona, con Iván Villar na portería, defensa para Hugo Mallo, Aidoo, Unai Núñez e Javi Galán. No medio campo Renato Tapia e Óscar Rodríguez, con Carles Pérez nunha banda, Miguel na outra, e arriba Gabri Veiga e Strand Larsen.
O equipo celeste defendeu con moita precaución, cedendo a iniciativa ao Cádiz, que tamén tivo problemas para xogar con comodidade. A pesar diso, os amarelos tiveron o control do balón e algúns intentos de gol.
Na primeira metade, o Celta só se aproximou do gol unha vez, cun gran pase de Gabri Veiga a Carles Pérez, que non conseguiu marcar. Ao final do primeiro tempo, o árbitro anulou un penalti e un gol a favor do Cádiz, despois de revisar as xogadas no VAR.
Na segunda parte, o Celta seguiu defendendo sen crear perigo, e o Cádiz marcou no minuto 53, grazas a un gol de Rubén Sobrino. Con este resultado adverso, o Celta non foi capaz de reaccionar, malia os cambios realizados por Carvalhal e a entrada de xogadores como Aspas, Paciência e Mingueza.
O Celta xogou case todo o segundo tempo no campo contrario, pero non logrou xerar ocasións de gol reais. O infierno semella estar cada vez máis preto para o equipo vigués, que dependerá dos seus rivais para salvarse do descenso.
