É a última bala, unha final. Non hai máis. O Celta precisa vencer o Barcelona este domingo, para non estar pendente do que suceda noutros campos e así manter a categoría, despois dun final de tempada catastrófico. Farao con un estadio de Balaídos cheo de espectadores e a estrea da nova grada de Marcador Centenario. Os seguidores célticos, que onte arroparon masivamente ao equipo no último adestramento, xa marcaron o primeiro gol. Agora xa está todo nas botas dos seus xogadores.
Carvalhal convocou, para tan importante cita, á totalidade da plantilla, aínda que Marchesín e Aidoo non poderán ser alineados por lesión. Sí poderá contar, aínda que sexa uns minutos, con Fran Beltrán. Mentres, a titularidade de Iago Aspas dependerá das sensacións que teña o dianteiro no último momento. O xogador fará o posible para poder ser da partida, nun once no que tamén podería entrar Óscar Mingueza, un dos dous ex azulgranas -xunto a Carles Pérez- da plantilla.
O Barcelona tivo dificultades nas súas dez últimas visitas a Balaídos, saldadas con tres triunfos célticos -o marcador que lles serve aos de Carvalhal- catro empates e tres triunfos azulgranas. Pero o equipo de Xavi chega a este encontro con todos os deberes feitos. É o actual campión e non se xoga nada salvo os trofeos particulares de Lewandowski e Ter Stegen, dos que gozan dunha importante vantaxe respecto aos seus competidores.
O alemán quere o récord de porterías a cero. Este non será tan fácil xa que os galegos precisan o triunfo para non verse o próximo ano na división de prata. A expedición azulgrana partirá directamente de Vigo a Tokio, cidade na que o próximo martes disputa un partido amigable fronte ao Vissel Kobe do ex azulgrana Iniesta.
