O Celta B logrou onte a clasificación para a fase de ascenso a Segunda División. A partir de agora quedan 4 semanas por diante para coñecer os 2 equipos que acompañarán ao Racing de Ferrol e Amorebieta. 8 equipos son os candidatos a conseguir estas prazas:
- Real Sociedade B
- Alcorcón
- Deportivo
- Castellón
- Celta B
- Eldense
- Barcelona B
- Real Madrid Castilla
Os catro primeiros equipos enfrontaranse entre si por unha praza, coas semifinais entre Real Sociedade B e Alcorcón por un lado, e Deportivo e Castellón polo outro. Os gañadores enfrontaránse na eliminatoria decisiva.
Na parte do cadro do Celta B están o Eldense e os filiais de Real Madrid e Barcelona. O filial céltico enfrontarase ao Eldense en semifinais, disputando o primeiro partido en Vigo, que probablemente se teña que xogar en Barreiro, xa que o Celta xoga ese fin de semana en casa ante o Barcelona. Se logra superar esa rolda, medirase ao gañador do enfrontamento entre Barcelona B e Real Madrid Castilla. En calquera caso sempre xogará o primeiro partido como local.
