Gabri Veiga, futbolista do Celta de Vigo, lidera a prelista da selección española sub-21 facilitada polo técnico Santi Denia este venres de cara ao Europeo da categoría, que actuará ademais como torneo preolímpico e que se disputará do 21 de xuño ao 8 de xullo en Georgia e Romanía.
A convocatoria conta con 27 xogadores e será despois do amigable do día 13 de xuño contra México cando Santi Denia dé a coñecer os catro descartes antes de viaxar ao Europeo.
O seleccionador español sub-21 incluíu na lista a catro caras novas respecto á anterior: o lateral esquerdo Miguel Gutierrez (Girona), o central Alejandro Francés (Zaragoza), o centrocampista Adrián Bernabé (Parma) e o dianteiro Juan Miguel Latasa (Getafe).
Respecto aos outros 23 xogadores, Santi Denia mantiña o bloque dos que chamou no anterior parón internacional de marzo, con Gabri Veiga que causou baixa entón por lesión, días despois de ser convocado; o seu lugar ocupouno Pablo Barrios (Atlético de Madrid), que non foi chamado este venres.
España debutará no Europeo fronte a unha das anfitrioas, Romanía, e continuará o seu camiño contra Croacia e Ucraína nun torneo que, ademais, outorgará tres prazas para os Xogos Olímpicos de París 2024, sen contar a Francia, clasificada automáticamente ao albergar a competición.
A prelista de 27 xogadores forma:
Porteiros: Arnau Tenas (Barcelona), Leo Román (Mallorca) e Julen Agirrezabala (Athletic Club).
Defensas: Arnau Martínez (Girona), Víctor Gómez (Sporting de Braga – Portugal), Manu Sánchez (Osasuna), Juan Miranda (Betis), Jon Pacheco (Real Sociedad), Mario Gila (Lazio – Italia), Hugo Guillamón (Valencia) e Aitor Paredes (Athletic Club), Miguel Gutierrez (Girona), Alejandro Francés (Zaragoza).
Centrocampistas: Nico González (Valencia), Antonio Blanco (Alavés), Oihan Sancet (Athletic Club), Gabri Veiga (Celta de Vigo), Aimar Oroz (Osasuna), Álex Baena (Villarreal), Rodri Sánchez (Betis) e Adrián Bernabé (Parma-Italia)
Delanteros: Sergio Gómez (Manchester City – Inglaterra), Rodrigo Riquelme (Girona), Ander Barrenetxea (Real Sociedad), Abel Ruiz (Sporting de Braga – Portugal), Sergio Camello (Rayo Vallecano) e Juan Miguel Latasa (Getafe).
