Os ex xogadores Eusebio Sacristán -tamen inesquecible adestrador- e Míchel Salgado foron os dous primeiros Embaixadores do Centenario do RC Celta. Cambia a actividade, pero non os motivos, co nomeamento do seguinte: o xornalista Fernando González ‘Gonzo’. Celtista de corazón, non perde nunca ocasión para proclamar, alá onde estea, o seu amor polo escudo celeste.
Gonzo é de sobra coñecido pola súa carreira radiofónica e televisiva, así como polos seus dous libros publicados con notable éxito, e na actualidade conduce o programa ‘Salvados’. Todos os que seguen minimamente a súa traxectoria coñecen a súa paixón polo RC Celta, que exhibiu con orgullo en innumerables ocasións en numerosas plataformas.
