Un Celta lamentable durante boa parte do partido ante o Cdiz, xogarase a permanencia na última xornada ante o Barcelona. Os de Carvalhal precisarán puntuar o próximo domingo en Balaídos, salvo que o Valladolid perda o seu partido ante o Getafe.
Suceda o que suceda nese episodio final, o peche de temporada deixa definitivamente tocados ao técnico portugués, ao asesor deportivo, Luis Campos, e ao propietario do club, Carlos Mourio. Os vigueses só foron quen de sumar unha vitoria nas once últimas xornadas, sendo o peor equipo do campionato, por números, na actualidade.
Carlos Carvalhal repetiu o equipo que empatou ante o Girona, pero cun rendemento indigno para un conxunto que xogaba a vida, nada tivo que ver nin en canto a intensidade, nin en xogo, respecto ao do pasado martes.
Novamente, Iago Aspas non estaba en condicións de ser titular, pero tivo que facer un esforzo e saír ao rescate na última media hora de partido cun barco á deriva. Non foi suficiente.
O de Moaña foi claro á conclusión do partido apuntando directamente á planificación do club: «Fáltanos calidade, dixeno en agosto e xaneiro e non se subsanou».
Tamén adianta que estará ante o Barcelona: «Levo tres semanas fodido da espalda, pero aínda que sexa en cadeira de rodas, como o outro día, estarei».
Pero tamén advirte: «Estamos fóra de descenso e temos que ser positivos desde xa».
