Unha vez máis, Iago Aspas sae ao rescate. O dianteiro céltico traballou co grupo na mañá deste xoves e podería ser titular o domingo no partido ante o Barcelona, no cal o club vigués xoga a permanencia.
É a primeira ocasión, nas últimas semanas, na cal o futbolista de Moaña pode traballar cos seus compañeiros, despois das importantes molestias de costas que o deixaron minguado nas últimas datas.
Iago Aspas, que xa sinalou que estaría no partido «aínda que fose en cadeira de rodas», apenas puido disputar 37 minutos nos 3 últimos encontros de Liga. Non xogou en San Mamés, participou 9 minutos ante o Girona e 28 no partido Cádiz.
Á súa vez, Fran Beltrán podería recibir a alta para tan importante cita, mentres que a presenza de Aidoo parece máis complexa.
