Como se esperaba, o Celta executa a opción de prórroga de cesión de Unai Núñez. Deste xeito, o central seguirá vestindo a camiseta do Celta na próxima tempada. Con esta nova cesión, o club vigués estará obrigado a súa compra definitiva ao remate da tempada 2023/24, como establece o contrato asinado hai un ano.
Con 26 anos, Unai Núñez, chegou o pasado verán a Vigo procedente do Athletic de Bilbao. Foi titular indiscutible esta tempada, disputando un total de 39 partidos, 36 en Liga nos que acumulou 3.150 minutos e 3 de Copa nos que sumou 300.
