O futuro de Hugo Mallo continúa sendo unha das grandes incógnitas. Está claro que non vai seguir no Celta, pero aínda non está claro onde xogará o actual capitán do Celta, que rematará unha traxectoria de 14 tempadas no primeiro equipo e máis de 400 partidos. O de Marín, pode non volver a vestir a camiseta céltica debido a unha lesión provocado tras golpear unha valo de camiño aos vestiarios despois do partido ante o Girona.
Á marxe disto, desde Turquía informaban no día de onte do interese do Trabzonspor no seu fichaxe. O equipo turco busca un lateral dereito, e Hugo Mallo é un dos candidatos, sendo petición expresa dun vello coñecido do Celta, Nenad Bjeliça, famoso pola polémica acción nas semifinais de Copa de 1997. O antigo xogador do Betis é actualmente o técnico do Trabzonspor, que solicitou que se sondee o fichaxe do capitán céltico.
Nas últimas semanas o seu nome soou tamén para o Atlético Mineiro, onde conta co aval de Eduardo Coudet, quen ata o mes de novembro foi adestrador do Celta. Xa no mercado de inverno o xogador pediu saír rumbo a Brasil, pero nese momento o club celeste pechoulle a porta, algo que non poderá evitar agora xa que finaliza o seu contrato o próximo 30 de xuño.
